Кәсіпқой боксшы Дәурен Елеусіновтің келесі қарсыласы анықталды

Қазақстандық боксшы Дәурен Елеусінов кәсіпқой шаршы алаңдағы үшінші жекпе-жегін 7 шілдеде Нью-Йоркте өткізеді. 29 жастағы спортшы АҚШ елінің боксшысы Генри Бэкфордпен кездеседі, деп хабарлайды Boxrec.com. Г.Бэкфорд кәсіпқой рингте төрт жекпе-жек өткізіп, екі рет жеңіп, екі рет ұтылған. Ол соңғы кездесуінде Иван Голубқа техникалық нокаутпен есе жіберген. Ал, Дәурен Елеусінов осы уақытқа дейін америкалық Энтони Мэдден мен Джей Уильямсті техникалық нокаутпен жеңген. 6 раундтық Елеусінов-Бэкфор жекпе-жегі Нью-Йорктегі «BB King Blues Club & Grill» орталығында өтеді.