WSB финалы. «Astana-Arlans» боксшылары «Cuba Domadores» командасын 3:2 есебімен ұтуда

Астанада WSB (Бүкіләлемдік бокс сериясы) 5-ші маусымының «Astana-Arlans» пен «Cuba Domadores» арасындағы финалдың бірінші күні аяқталды. «Дәулет» спорт кешенінде аяқталған бокс кешінде бес жұп сынға түсті. Шаршы алаңға алғашқы болып шыққан қазақстандық Теміртас Жүсіпов кубалық Йоанис Оскар Аргилагості 3:0 (50:45, 50:45, 50:45) есебімен ұтты. Ал, екінші кездесуде Қайрат Ерәлиев кубалық 2012 жылғы Лондон Олимпиадасының чемпионы Робейси Рамиреске есе жіберді. Осыдан кейін, «Astana-Arlans» командасының капитаны Самат Бәшенов Ясниер Толедоны ұтса, Мейірім Нұрсұлтанов Арлен Лопесті жеңді. Бірінші жарыс күні шаршы алаңға соңғы болып шыққан Василий Левит Эрисланди Савоннан 1:2 есебімен ұтылды. Осылайша бірінші күннің нәтижесі бойынша «Astana-Arlans» боксшылары 3:2 есебімен алда тұр. Енді 21 маусымда финалдық серияның екінші күні келесі боксшылар шығады: 52 келіге дейін: Олжас Сәттібаев (Мирас Жақыпов) - Йосвани Вейтиа Сото 60 келіге дейін: Закир Сафиуллин (Ержан Мұсафиров) - Ласаро Альварес 69 келіге дейін: Асланбек Шымбергенов (Мадияр Әшкеев) - Рониель Иглесиас Сотолонго 81 келіге дейін: Нұрдәулет Жарманов (Али Ахмедов) - Хулио Сесар ла Крус 91 келіден жоғары: Иван Дычко (Филипп Хргович) - Йоханди Тойрак Ортега