WSB финалы. Қайрат Ерәлиев Лондон Олимпиадасының чемпионына есе жіберді

Астанада WSB (Бүкіләлемдік бокс сериясы) 5-ші маусымының «Astana-Arlans» пен «Cuba Domadores» арасындағы финалдық кездесу өтуде. «Дәулет» спорт кешенінің шаршы алаңына екінші болып 56 келіге дейін салмақ дәрежесіндегі боксшылар сынға түсті. «Astana-Arlans» намысын қорғаған Қайрат Ерәлиев кубалық 2012 жылғы Лондон Олимпиадасының чемпионы Робейси Рамиреске 0:3 (47:48, 47:48, 47:48,) есебімен есе жіберді. Осылайша «Cuba Domadores» командасы финалдық серияда есепті теңестірді. Енді есеп – 1:1. Айта кетейік, алғашқы жұпта қазақстандық Теміртас Жүсіпов кубалық Йоанис Оскар Аргилагості 3:0 (50:45, 50:45, 50:45) есебімен ұтты.