Қазақстандық боксшылар Минскіде өтетін халықаралық турнирге қатысады

Беларусь астанасы Минскіде басталатын Кеңес Одағының батыры Виктор Ливенцевті еске алуға арналған халықаралық турнирде алты қазақстандық боксшы сынға түседі, деп хабарлайды ҚБФ баспасөз қызметі. Сайысқа Қазақстан, Ресей, Армения, Грузия, Түрікменстан, Өзбекстан және Молдова мемлекеттерінен 85-ке жуық боксшы қатысады. Қазақстан Ұлттық құрамасының бас бапкері Мырзағали Айтжановтың жетекшілігімен бұл сайысқа алты боксшымыз бақ сынасады. Олар: Жомарт Ержан (49 келі), Бағдат Уайдаев (60 келі), Абылайхан Жүсіпов (64 келі), Нұрзат Сабыров (75 келі), Шаймұрат Құсайынов (81 келі), Мұхамеджан Еркін (91 келі).