Бокстан Қазақстанның жастар құрамасы Испанияда өткен «Төрт мемлекет турнирінде» жеңіске жетті

Испанияда өткен турнирге Испания, Ирландия, Литва мен Қазақстан құрамасының жас боксшылары қатысқан. Жарыс айналмалы жүйе бойынша өтті, яғни барлық қарсыластар бір-бірімен кездескен. Жекпе-жектер нәтижесі бойынша қазақстандық спортшылар жалпыкомандалық есепте бірінші орын иеленді. Қазақстан құрамасында алтын жүлдені Сабыржан Әбілов, Садредин Ахмедов пен Әбілхан Аманқұл иеленген. Сонымен қатар, Стоян Мазур мен Влад Стобловский турнирдің күміс медальдарын ұтып алса, Әлімхан Бескемпір «қолаға» қол жеткізді. Фото: Қазақстанның Бокс федерациясы