Бокстан Албанияда өткен Vllaznia халықаралық турнирінен бес боксшымыз жүлдемен оралды

Халықаралық турнир биыл 12-рет ұйымдастырылды. Албаниядағы халықаралық турнирге бокстан Қазақстан Ұлттық құрамасының 5 боксшысы барған. Олар: Алмасбек Әлібеков (64 келі), Сағадат Рахманқұлов ( 69 келі), Сапарбай Айдаров (75 келі), Арман Рысбек (81 келі) және Қамшыбек Қоңқабаев (+ 91 келі). 69 келідегі Сағадат Рахманқұлов пен +91 келідегі Қамшыбек Қоңқабаев турнирдің жеңімпазы атанса, 64 келідегі Алмасбек Әлібеков финалда ұтылып, күміс жүлдені қанағат тұтты. Ал, 75 келідегі Сапарбай Айдаров пен 81 келідегі Арман Рысбек турнирдің қола жүлдегері атанды.