«Астана арландары» мен «Аrgentina Сondors» клубы жекпе-жекке шығатын боксшылар тізімін жариялады

Дүниежүзілік бокс сериясына (WSB) қатысып жатқан «Астана арландары» мен «Аrgentina Сondors» клубы жекпе-жекке шығатын боксшылар тізімін жариялады. 49 кг: Жомарт Ержан – Леандро Зарате 56 кг: Қайрат Ералиев – Джонатан Санчес 64 кг: Самат Бәшенов – Лукас Хименес 75 кг: Жәнібек Әлімханұлы – Кристиан Зарате 91 кг: Василий Левит – Диего Бланке Қос клуб арасында өткен алғашқы айналымдағы жекпе-жекте «Астана арландары» «Аrgentina Сondors» боксшыларын 5:0 есебімен ұтқан. «Арландар» өткен турда «Puerto Rico Hurricanes» клубымен жұдырықтасып, 4:1 есебімен жеңіске жеткен. Ал, «Аrgentina Сondors» клубы «Caciques de Venezuela» боксшыларынан 2:3 есебімен жеңілген. 12 турдан кейін «Астана арландары» 36 ұпаймен «В» тобында жекедара көш бастап келеді. Ал, «Аrgentina Сondors» бокс клубы 4 ұпаймен көш соңында келеді. «Астана арландары» мен «Аrgentina Сondors» клубы арасындағы кездесу 19 сәуір күні Астана уақыты бойынша таңғы сағат 08:00-де басталады.