Геннадий Головкин мен Вили Монро арасындағы жекпе-жектің билеттері сатылымға түсті

Қазақстандық боксшы Геннадий Головкин мен Кіші Вилли Монро арасында орта салмақтағы Әлем чемпионы атағы үшін өтетін жекпе-жектің билеттері бүгіннен бастап сатылымға түсті. «Бидеттердің бағасы 30 доллардан басталады. Біз билеттердің қолжетімді бағаларын белгілеп, сол арқылы көптеген бокс жанкүйерлеріне «GGG-дің шоуын» тамашалауға мүмкіндік беріп отырмыз. Геннадийдің Лос-Анджелесте өткен жекпе-жегіне билеттердің толық сатылып кеткенін ескерте отырып, жанкүйерлерге билеттерді ертерек сатып алуға кеңес береміз», - деді Головкиннің промоутері Том Леффлер. 300, 200, 100, 60 және 30 доллорлық билеттерді Ticketmaster арқылы (Ticketmaster.com) және Форумның бокс-кеңсесінде сатып алуға болады.