Қазақ хандығының 550 жылдығына орай бокстан республикалық турнир басталды

Қызылорда қаласында 1994-1996 жылы туған боксшылар арасында Қазақ хандығының 550 жылдығына арналған бокстан республикалық турнир басталды. Турнирге Астана, Алматы қалаларынан бөлек еліміздің барлық облысынан 166 спортшы келген. Жарысты Қызылорда облыстық Дене шынықтыру және спорт басқармасы мен облыстық бокс федерациясы ұйымдастыруда. Айта кету керек, турнир 28 ақпанға дейін жалғасады. Жеңімпаздар арнайы диплом, медаль және бағалы сыйлықтармен марапатталатын болады. Аталмыш турнир елімізде тұңғыш рет ұйымдастырылып отыр.