Головкин мен Мюррей салмақ өлшеді

Ұлыбританиялық Мартин Мюррей мен WBA (Super), IBO мен WBC (Interim) тұжырымы бойынша Әлем чемпионы қазақстандық Геннадий Головкин WBC-де салмақ өлшеді, деп хабарлайды ВКонтакте әлеуметтік желісіндегі GGG тобы. Салмақ өлшеу нәтижесі: Геннадий Головкин – 163 (73,9 кг), Мартин Мюррей – 165 (74,8 кг). Айта кетейік, Головкин мен Мюррейдің жекпе-жегі болатын бокс кеші 21 ақпанда (21-ші ақпаннан 22-ші ақпанға қараған түні) Астана уақыты бойынша сағат 01:25-те басталады. Бокс кешін «Қазақстан» Ұлттық телеарнасы тікелей эфирде көрсетеді. Ойын барысын ел аумағында онлайн трансляциялау құқығы kaztrk.kz порталына берілген. Ал, жекпе-жектің қайталауын 22 ақпанда «KAZsport» телеарнасынан тамашалай аласыздар.