Геннадий Головкин Ұлттық хоккей лигасының матчын тамашалады

Геннадий Головкин Ұлттық хоккей лигасының жаңа маусымындағы алғашқы матчқа қатысты. «Лос-Анджелес Кингз» командасына қолдау көрсетуге барған қазақстандық боксшы ESPN радиосының тікелей эфирінде қонақ болды. Оны Стэнли Кубогының иегері «Лос-Анджелес Кингз» клубына жанкүйерлік ету үшін «Staples Center» аренасының ашылу салтанатына шақырған еді. Еске сала кетейік, Геннадий Головкин келесі жекпе-жегін WBC нұсқасы бойынша уақытша Әлем чемпионы мексикалық Марко Антонио Рубиомен өткізеді. Бұл кездесу 18-ші қазан күні Карсондағы (Лос-Анджелес, Калифорния штаты) StubHub Center аренасында өтеді. Оны «KAZsport» телеарнасы тікелей эфирде көрсетеді. Фото: спортшыға арналған ВКонтакте әлеуметтік желісінен