Иса Ақбербаев кәсіпқой бокстағы он үшінші жекпе-жегінде техникалық нокаутпен жеңіске жетті

АҚШ-тың Калифорния штатындағы Санта-Моникеде бірінші ауыр салмақтағы қазақ боксшы Иса Ақбербаев пен америкалық Джованни Сарран жекпе-жегі өтті, деп хабарлайды Иса Ақбербаевтың ВКонтакте желісіндегі парақшасы. Төреші төртінші раундта жекпе-жекті тоқтатуға мәжбүр болды. Иса Ақбербаев техникалық нокаутпен жеңіске жетті. Бұл - қазақ боксшысының кәсіпқой шаршы алаңдағы 13-ші жекпе-жегі. Ол барлығында жеңіске жетіп, 9 жекпе-жекті мерзімінен бұрын аяқтаған.