Тікелей эфир: Бүгін «Астана арландары» мен «Куба қабыландары» жұдырықтасады

Бүгін Астанадағы «Дәулет» спорт кешенінде «Астана арландары» мен «Куба қабыландары» арасындағы алыптар айқасы өтеді. Жекпе-жекте 10 салмақ дәрежесіндегі боксшылар екі күнге бөлініп жұдырықтасады. Бүгін алғашқы 49, 56, 64, 75, 91 келі салмақтағы боксшылар рингке көтерілсе, ертең 52, 60, 69, 81, +91 келі салмақтағы боксшылар шығады. Алғашқы 5 жұп: Мардан Берікбаев - Сантьяго Амадор (49) Бағдат Әлімбеков - Робейси Ромирес (56) Асхат Уәлиханов - Ясниер Толедо (64) Ерік Әлжанов - Арлен Лопес (75) Алмат Серімов - Эрисланди Савон (91) Естеріңізге сала кетейік, «Астана арландары» мен «Куба қабыландары» арасындағы алыптар айқасы «Дәулет» спорт кешенінде сағат 20:00-де басталады.