Нанкин – 2014. Боксшы Вадим Казаков күміс медаль иеленді

Нанкинде өтіп жатқан жасөспірімдер арасындағы Олимпиадада қазақстандық боксшы Вадим Казаков 81 келі салмақта күміс медаль иеленді. Қазақстандық жас спортшы финалдық жекпе-жекте болгариялық Благой Найденовқа 0:3 есебімен ұтылды. Бұған дейін, Казаков норвегиялық Вегар Трегенді 3:0 және армениялық Нарек Манасянды 2:1 есебімен жеңген. Естеріңізге сала кетейік, Олимпиада ойындарында Қазақстан қоржынына дзюдошы Бауыржан Жауынтаев пен боксшы Абылайхан Жүсіпов алтын, зілтеміршілер Жасұлан Қалиев пен Татьяна Капустина, грек-рим палуаны Евгений Поливадов қола медаль әкелді.