Қайрат Рысқұлбековты еске алуға арналған турнир өтуде

Халық қаһарманы Қайрат Рысқұлбековты еске алуға арналған дәстүрлі бокс турнирі 12-ші мәрте ұйымдастырылды. Спорт және туризм академиясының 70 жылдық мерейтойымен тұспа-тұс келген турнирге еліміздің барлық аймағынан 120 спортшы келіпті. Кеше алты салмақ дәрежесі бойынша іріктеу кезеңі басталды. 52 келіде Сағындық Молдашев пен Асылқан Шоқаев және Ғазиз Ордабаевтың қарқыны күшті. Ал 56 келі салмақта Айдар Иманғалиев пен Мейрамбек Мұхтаров, сондай-ақ Нұрбол Қалжановтар алғашқы айналымнан сүрінбей өтті. 60 келі салмақта Бағдат Уайдаев келесі кезеңге шықты.