Ресейлік боксшы Головкинді шаршы алаңға шақырмақ

Ресейлік боксшы Дмитрий Чудинов даниялық Патрик Нильсенді жеңгеннен кейін, қазақстандық Геннадий Головкинді шаршы алаңға шақырғысы келеді.

«Болашақты болжағым келмейді. Қазіргі таңда барлық назарым 1 маусымда өтетін жекпе-жекке ауып отыр. Мен бұл кездесуде жеңіске жетсем, WBA  тұжырымы бойынша Әлем чемпионы Геннадий Головкинді жекпе-жекке шақырамын деп ойлаймын. Мен үздік боксшы екенімді дәлелдегім келеді, сондықтан Патриктен бастап, барлығын жұдырықтың астына алу керек», - дейді ол.

27 жастағы Дмитрий Чудинов мен даниялық боксшы Патрик Нильсен арасындағы жекпе-жек 1 маусым күні Мәскеуде өтеді.