«Astana Arlans» боксшысы Сергей Деревянченко кәсіби боксқа ауысады

28 жастағы украиндық Сергей Деревянченко енді бағын кәсіби бокста сынап көрмекке бел буды, деп хабарлайды vringe.com

  Николаев қаласында  тұрып жатқан орта салмақтағы боксшы алғашқы жекпе-жегін 21 маусымда  Уилкс-Барредегі Mohegan Sun Pocono Downs  аренасында (Пенсильвания штаты, АҚШ) өткізеді.

Айта кетер жайт, тағы бір украиндық Анатолий Дудченко Наджиб Мохамедимен шаршы алаңда жұдырық түйістіреді. Олардың жеңгені  жартылай ауыр салмақтағы WBA/IBF нұсқасы бойынша әлем чемпионы Бернард Хопкинспен кездесетін болады.

Естеріңізге сала кетсек, мамыр айының басында құрамында Деревянченко бар «Astana Arlans» командасы  биылғы WSB  маусымының финалына шыға алмай қалған болатын.

inform.kz