Шүменов пен Хопкинс жекпе-жегінің басталу уақыты өзгерді (ФОТО)

Вашингтонда өтетін бокс кешінің қатысушылары ашық жаттығуларын өткізді. Бұл кештегі басты жекпе-жекте жартылай ауыр салмақта WBA тұжырымы бойынша суперчемпион, 30 жастағы қазақстандық Бейбіт Шүменов (14-1, 9 КО) пен IBF тұжырымы бойынша Әлем чемпионы, 49 жастағы америкалық Бернард Хопкинс (54-6-2, 32 КО) жұдырықтасады. Жекпе-жекті тікелей эфирде «KAZsport» телеарнасы көрсетеді. Трансляцияның басталу уақыты – 20 сәуір, жексенбі, сағат таңғы - 07:00 (Астана уақыты). «Карьерамды жалғастыру үшін бұл жекпе-жектің маңызы зор. Шүменов мені жеңу арқылы, атын шығаруды қалайды. Жастардың барлығы мені жеңіп, атақты чемпион болуды ойлайды. Бірақ бұл мүмкін емес», - деп мәлімдеді Хопкинс. «Мен өзімді керемет сезінемін. Көп жаттығу атқарылды. Бір де бір жаттығуды босқа жіберген жоқпын. Жартылай ауыр салмақтағы әлемнің ең үздік боксшысы екенімді көрсеткім келеді», - деп атап өтті Бейбіт Шүменов. Фото: boxingscene.com