Бейбіт Шүменов ұпай санымен Бернард Хопкинске есе жіберді (ВИДЕО)

Вашингтонда жартылай ауыр салмақта (79,4 келі) WBA тұжырымы бойынша суперчемпион Бейбіт Шүменов (14-1, 9 КО) пен IBF тұжырымы бойынша Әлем чемпионы Бернард Хопкинс (54-6-2, 32 КО) жұдырықтасты. DC Armory аренасында өткен жекпе-жектің қорытындысы бойынша төрешілердің біреуі 114-113 есебімен Бейбіт Шүменов басым болды деп бағалағанымен, қалған екі төреші 116-111 есебімен жеңісті америкалық боксшыға берді. Бұл Бернард Хопкинстің кәсіпқой бокстағы 55-ші жеңісі болса, өз кезегінде Бейбіт Шүменов карьерасында екінші рет жеңілді және чемпиондық атағынан айырылды.