Шүменов пен Хопкинс салмақ өлшеу рәсімінде жанжалдасты (ФОТО, ВИДЕО)

WBA тұжырымы бойынша жартылай ауыр салмақтағы әлемнің супер чемпионы қазақстандық боксшы Бейбіт Шүменов пен IBF тұжырымы бойынша Әлем чемпионы, америкалық Бернард Хопкинс жекпе-жек алдында салмақтарын өлшеді, деп жазады Allboxing.ru. Таразы 30 жастағы Бейбіт Шүменовтің салмағын 174,4 фунт деп көрсетсе, 49 жастағы америкалық боксшының салмағы 172,4 фунт болды. Осылайша екі боксшы да міндеттелген 175 фунттан асқан жоқ. Еске сала кетейік, Бейбіт Шүменов пен Бернард Хопкинс арасындағы жекпе-жек жексенбі, 20 сәуірде Вашингтонның DC Armory аренасында өтеді. Бұл кездесуді «KAZsport» телеарнасы тікелей эфирде көрсетеді. Трансляция Астана уақытымен 07.00-де басталады. Фото: allboxing.ru Видео: vringe.com.