Француз боксшысы Геннадий Головкинмен жұдырықтасқысы келеді

Кәсіпқой бокстан әлемнің уақытша чемпионы, 30 жастағы француз боксшысы Хассан Н’Дам Н’Жикам (30-1, 18 КО) кеше АҚШ-та үш салмақ бойынша чемпиондық атақтан үміткер колумбиялық Фульгенсио Суниганы жеңді, деп хабарлайды BoxingScene.com Бұл жеңістен кейін Н’Жикам америкалық боксшы Габриэль Росадамен жұдырықтасуды қалайтын мәлімдеген. Кейін WBA тұжырымы бойынша Әлем чемпионы, қазақстандық боксшы Геннадий Головкинмен жекпе-жек өткізгісі келетінін де жасырмады. «Мен орта салмақтағы үздік боксшылармен жұдырықтасуды қалаймын. Алдымен Габриэль Росадо, кейін Геннадий Головкинмен кездесуге дайынмын», - деді Н’Жикам.