Бекзат Саттарханов атындағы бокс турнирі 4 сәуірде аяқталады

Түркістан қаласында Сидней Олимпиадасының жеңімпазы Бекзат Саттархановты еске алуға арналған бокстан жастар арасындағы халықаралық ХІІІ турнир жалауын көтерген болатын. Дәстүрлі бәсекеге еліміздің барлық облыстары мен Қырғыз Республикасы, Әзірбайжан, Өзбекстан, Ресейден келген 200-ге жуық жас спортшылар қатысуда. «Бекзатты еске алуға арналған сайыстың маңыздылығы жас спортшыларымыздың әлеуетін байқауға үлкен септігін тигізеді. Себебі, былғары қолғап киген өрендеріміз тек ел іші емес халықаралық деңгейде бақтарын сынайды», - деді Сидней Олимпиадасының күміс жүлдегері, боксшы Мұхтархан Ділдәбеков. Халықаралық бәсеке Бекзаттың туған күні, 4 сәуірде мәресіне жетеді, деп хабарлайды ontustik.gov.kz