«Астана арландары» ширек финалда неміс командасымен кездеседі

Қазақстандық «Астана арландары» WSB турнирінің ширек финалында германиялық «Герман Иглс» командасымен кездеседі. Германиялық боксшылар жарыстың оныншы аптасында аргентиналықтардан 2:3 есебімен жеңіліп қалды. Сол себепті олар өз тобында 3-ші орынға тұрақтап, жеребе бойынша қазақстандық командамен кездесетін болды.

Осыған дейін қазақстандықтар германиялық командамен WSB турнирінің 3-ші маусымында жекпе-жекке шыққан. Сол кезде «Астана арландары» қарсыластарынан екі кездесуде де басым түскен.

Осы екі жұптың жеңімпазы жартылай финалда «Италия тандер» немесе В тобында 4-ші орын алған командамен кездеседі («Ресей бокс командасы», «Баку файерс»).