Соңғы жекпе-жекте Армен Симонян жеңіске жете алмады

Дүниежүзілік бокс сериясынндағы «Астана арландары» мен «Hussars Poland» кездесуін аса ауыр салмақтағы (+91 келі) боксшылар қорытындылады.

Бір қызығы, бұл жолы шаршы алаңға қазақ және поляк боксшылары көтерілмеді.  «Астана арландары» намысын украиналық боксшы Армен Симонян қорғады. Ал оның отандасы Сергей Вервейко қарсылас атанды.

«Арландарға» биылғы маусымда келген Армен Симонян бапкерлердің сенімін ақтамады. Үшінші раундта техникалық нокаутпен «Hussars Poland»  боксшысы жеңіске жетті. Қорытынды есеп - 4:1.

Айта кетейік, бұған дейін Ілияс Сүлейменов, Ғани Жайлауов, Данияр Елеусінов және Әділбек Ниязымбетов өз жекпе-жектерін сәтті аяқтады.