Василий Жиров: Головкинді өзіме ұқсатамын

Василий Жиров бокспен қош айтысқаннан кейін, жекпе-жектерді қарай бермейтінін мойындады. Оның үстіне Олимпиада және Әлем чемпионы бокстағы қызық жекпе-жектер азайды деп есептейді. Бұл туралы қазақстандық боксшы allboxing.ru порталына берген сұхбатында айтты. «Боксты жиі қарамаймын. Өйткені, кәсіпқой боксшылардың деңгейі төмен. Қазіргі уақытта жоғары деңгейде жұдырықтасатын боксшылар аз», - дейді ол. Василий Жиров тартысты жекпе-жек көрсете алатын боксшылардың ішінен қазақстандық Геннадий Головкинді атап өткен. «Головкин – жақсы боксшы. Ол қарсыласын ұрады, кейде мазақ қылады. Ойланып жұдырықтасады. Кейде өзіме ұқсатамын. Оның жеңіске деген ұмтылысы маған ұнайды», - дейді Олимпиада чемпионы. Фото: allboxing.ru