Басты Жаңалықтар WSB. Мардан Берікбаев қоржынға алғашқы ұпайды салды

WSB. Мардан Берікбаев қоржынға алғашқы ұпайды салды

07.12.2013 06:43

Дүниежүзілік бокс сериясындағы «Astana Arlans» пен «Mexico Guerreros» кездесуін асыға күткендердің санында шек болмады. Жерлестеріміз бұған дейінгі екі кездесуде жеңіске жетсе, мексикалықтардың бірде-бір боксшысы бұл маусымда жеңіске жетпеген. Дегенмен мұхиттың ар жағынан келген мексикалық боксшылардың бұл кездесуге тас-түйін дайындық жүргізгені анық.

Бокс кешін ең жеңіл (49 келі) салмақтағы боксшылар ашты. Шаршы алаңға көтерілген жерлесіміз Мардан Берікбаев пен оның қарсыласы Хосе Альберто Салета Рейес Дүниежүзілік бокс сериясындағы алғашқы жекпе-жектерін өткізді.

Алматы облысы бокс мектебінің түлегі, 23 жастағы Мардан Берікбаев бірнеше халықаралық турнирлерден жүлделі оралған. Бас бапкер Сергей Корчинский артқан сенімді ақтаған Мардан Берікбаев алғашқы жекпе-жегін сәтті аяқтап, жанкүйерлерге қуаныш сыйлады. Төрешілердің шешімі бойынша қазақстандық боксшы жеңімпаз деп танылды.

Еске сала кетейік, жекпе-жекке Алматыдағы Балуан Шолақ атындағы спорт сарайында өтіп жатыр. Бокс кешін «KAZsport» телеарнасы тікелей эфирде көрсетуде.

Бөлісу