WSB. Василий Левит үмітті ақтады

Дүниежүзілік бокс сериясы аясында Алматыда өтіп жатқан қазақстандық «Astana Arlans» мексикалық «Mexico Guerreros» командаларының арасындағы бәсекенің қорытынды жекпе-жегінде 91 келіге дейінге салмақта Василий Левит шаршы алаңға көтерілді. Ол бұл маусымдағы алғашқы жекпе-жегін сәтті бастаған болатын. Бұл жолы да Қостанай мектебінің түлегі жанкүйерлер қошеметіне ие болды.

Ол Мексика командасының албаниялық легионері Кристиан Демажбен кездесті. Боксшының аты әлемге аса танымал болмаса да, өз елінде төрт дүркін чемпион атанған. Үш раунд бойы қарсыласынан басым болған  қазақстандық боксшы команда есебіне тағы бір ұпай қосты. Сонымен, қорытынды есеп: 4-1.