Маклин: Головкинді тек Уорд жеңе алады

Британдық боксшы Мэттью Макклин орта салмақтағы WBA нұсқасы бойынша әлем чемпионы Генадий Головкинді тек екінші орта салмақтағы WBA нұсқасы бойынша әлем чемпионы америкалық Андре Уорд жеңе алады деген пікірде. 
 
Осы жылдың маусым айында қазақстандық боксшыдан үшінші раунда ұтылған Маклин өзінің твиттердегі парақшасына: «Головкинді тек қана Уорд жеңе алады және керісінше Уордты да тек Головкин тоқтата алады», деп жазған.
 
Естеріңізге сала кетейік, Головкин өзінің соңғы жекпе-жегінде америкалық Кертис Стивенсті жеңген болатын. Ал Уорд кеше ғана, доминикандық боксшы Эдвин Родригеспен жекпе-жекке шығып, өзінің екінші орта салмақтағы WBA нұсқасы бойынша суперчемпион атағын қорғап қалды.