Басты Жаңалықтар WSB. «Astana Arlans» - «Baku Fires»: 4-1 (ВИДЕО)

WSB. «Astana Arlans» - «Baku Fires»: 4-1 (ВИДЕО)

16.11.2013 07:34

Алматыда өтіп жатқан WSB бәсекесінде шаршы алаңға соңғы болып ауыр салмақтағы боксшылар көтерілді. 91 келіде Василий Левит әзірбайжандық Абдулкадир Абдуллаевпен жұдырық түйістірді.

Қазақстандық боксшы WSB аясында алғашқы жекпе-жегін өткізгенімен, ол бірнеше атаққа ие. Оның ішінде Азия чемпионатының алтыны бар. Сонымен қатар, Қазақстанның үш дүркін чемпионы.

Оның қарсыласы - әзірбайжандық Абдулкадир Абдуллаев та осал боксшы емес. Биыл әзірбайжандық боксшы үшін WSB –ның төртінші маусымы.

Ауыр салмақтағы қазақстандық-әзірбайжандық жекпе-жек жанкүйерлер қызығушылығын арттырды. Бірінші раундта Левит қарсыласын нокдаунға жіберді. Дегенмен әзірбайжандық боксшы табандылық танытты. Бес раунд бойы тартысты жекпе-жекте Василий Левит жеңіске лайық деп танылды.

Алматыда өткен бәсеке «Astana Arlans»-тың жеңісімен аяқталды. Қорытынды есеп 4:1.

Енді Сергей Корчинский шәкірттері 23 қарашада ресейлік боксшылармен кездеседі. Бұл бәсекеде ел намысын Олжас Сәттібаев, Самат Бәшенов, Мейірім Нұрсұлтанов, Данабек Сужанов және Филип Хргович қорғайды.

Бөлісу