WSB. Бағдат Әлімбеков жеңіске жетті (ВИДЕО)

Алматыда «Astana Arlans» пен «Baku Fires» командаларының арасында өтіп жатқан WSB додасын 56 келідегі Бағдат Әлімбеков пен Магомед Гурбанов жалғастырды. Өткен маусымда «Astana Arlans»-қа жеңіс алып келген Бағдат Әлімбеков бұл жекпе-жектің фавориті саналды. Ал әзірбайжандық Магомед Гурбанов - бұл турнирдің дебютанты. Алайда, әзірбайжандық боксшы оңай шағылар жаңғақ емес екенін салған жерден танытты. Бағдат оны сәл ғана басымдықпен ұтты.

 

Бағдат Әлімбеков осы уақытқа дейін спорттық карьерасында 186 рет рингке көтеріліп, оның 174-де жеңіске жеткен. Ал WSB-нің өткен маусымында өткізген жеті кездесудің алтауын жеңіспен аяқтаған. Алматы мен Оралда өткен халықаралық турнирлердің жеңімпазы.