Басты Жаңалықтар Головкин - әлемдегі ең қауіпті боксшы

Головкин - әлемдегі ең қауіпті боксшы

16.11.2013 05:01

«Bleacher Report» порталы қазіргі уақыттағы әлемнің ең қауіпті боксшысын анықтау үшін сараптама жасады. Рейтинг тізімін WBA тұжырымы бойынша орта салмақтағы Әлем чемпионы Геннадий Головкин бастап тұр.

Сарапшылар қазақстандық боксшыдан қарсыластарының барлығы қорқады деп пайымдайды. «Ол қарсыластарын аяуы мүмкін, бірақ Геннадий Головкин жеңіске жетуді мақсат етеді», деп жазады «Bleacher Report» порталы,

Бұл тізімде атақты украиналық боксшы Виталий Кличко Геннадий Головкинге жол беріп, екінші орынға жайғасты. Үшінші орынға ресейлік Сергей Ковалев орналасқан. Сарапшылар төртінші және бесінші орындарды аргентиналық Лукас Матисс пен канадалық Адонис Стивенске берген.

Естеріңізге сала кетейік, бұған дейін Геннадий Головкин шаршы алаңда шебер қолғап түйістіретін боксшылардың тізімінде екінші орынды алған еді. Бірінші орын – филиппиндік Мэнни Пакьяоға бұйырды.

Бөлісу