«Astana Arlans» WSB сериясындағы жаңа құрамын жариялады

«Astana Arlans»   клубының бас директоры Болат Манкенов Дүниежүзілік бокс сериясындағы жаңа құрамын жариялады. Онда қазақстандық 22 боксшы бар.

 

49 келіге дейінгі салмақта Әнуар Мұзапаров, Мардан Берікбаев, Азат Қамзин;

52 келіге дейінгі салмақта Мирас Жақыпов, Олжас Сәттібаев, Айдын Елжанов, Азат Махметов;

56 келіге дейінгі салмақта Бағдат Әлімбеков, Мейірболат Тойытов, Мәди Шолақов, Дидар Өтелбаев, Нұрбол Қалжанов;

60 келіге дейінгі салмақта Самат Бәшенов, Роман Щегринов, Жандос Момынов, Николай Шваб;

64 келіге дейінгі салмақта Асхат Уәлиханов, Жәнібек Әжібай, Руслан Мәдиев;
69 келіге дейінгі салмақта Бақытжан Қожабеков, Мейірім Нұрсұлтанов, Мадияр Әшкеев,Сулейман Бердукаев;
75 келіге дейінгі салмақта Сергей Деревянченко (Украина), Ерік Әлжанов;
81 келіге дейінгі салмақта Хрвое Сеп (Хорватия), Эхсан Рузбахани (Иран), Данабек Сужанов, Арман Рысбек;
91 келіге дейінгі салмақта Василий Левит, Арбек Абдуганиев, Хамзат Гелисханов
91келіден жоғары салмақта Руслан Мырсатаев, Филипп Хргович (Хорватия), Армен Симонян (Армения)

Дүниежүзілік бокс сериясы төртінші кезеңінің ақтық сыны Киевте өтеді.  

 

«Біз ақтық сында «Украина атамандарымен» кездессек дейміз. Оған дейін де көп белестерден өтуіміз керек. Дүниежүзілік бокс сериясында екінші рет жеңіске жетіп, рекорд орнату басты мақсатымыз», дейді команданың бас жаттықтырушысы Сергей Корчинский.

Айта кетерлігі, команданың жаттықтырушылық штабына Болат Жұмаділов пен Нұрлан Ақүрпеков кірді. Сондай-ақ, жаңа кезеңде «арландар» үшін Ұлттық құраманың боксшылары шығуы мүмкін. «Astana Arlans»  15-қарашада Әзірбайжанның «Baku Fires» командасын қабылдайды.