WTA. Серена Уильямс қорытынды чемпионатты бесінші рет ұтып алды

Сингапурде аяқталған Әйелдер теннисі қауымдастығының қорытынды турнирінде америкалық Серена Уильямс жеңіске жетті. Ол финалда әлемнің төртінші ракеткасы, румыниялық Симона Халеппен кездесті. Қорытынды есеп - 6/3, 6/0.

Бұл - Серена Уильямстің WTA қорытынды чемпионатындағы бесінші жеңіс. Ол бұл маусымда жеті турнирдің бас жүлдесін ұтса, кәсіби карьерасындағы 64-ші атаққа ие болды.

Серена Уильямс  бұл турнирде  2,629,000 АҚШ долларын 1,700 рейтингтік ұпайын иеленді.

Фото: Reuters