Зарина Диас әлемнің үздік 50 теннисшісінің қатарына енді

Қазақстандық теннисші Зарина Диас өзінің карьерасында тұңғыш рет әйелдер арасында әлемнің ең үздік 50 теннисшісінің қатарына енді. Бүгінгі жаңарған рейтинг бойынша Зарина Диас 6 саты жоғарылап, 46-шы орынға тұрақтады. Ал, Ярослава Шведова 50-ші орынға жайғасқан болса, Галина Воскобоева екі орын жоғарылап 118-ші орыннан көрінді. Юлия Путинцева үш саты төмендеп, 132-ші орынға түсіп қалды. Естеріңізге сала кетейік, Зарина Диас Қазақстанда туып, әлемнің үздік 50 теннисшісінің қатарына енген алғашқы қазақ қызы. Сондай-ақ, бұрынырақта ТОП-50 қатарына Ярослава Шведова, Галина Воскобоева және Ксения Первак секілді теннисшілер енген болатын. Қазіргі таңда Ксения Первак Ресейдің атынан өнер көрсетіп жүр.