Андрей Голубев «Bet at Home Cup - Kitzbuhel» турнирінің жартылай финалына шықты

Австрияда өтіп жатқан «Bet at Home Cup - Kitzbuhel» турнирінде қазақстандық теннисші Андрей Голубев пен италиялық Даниэл Брацциали жұбы жартылай финалға шықты. Турнирдің жүлде қоры 485,7 мың еуроны құрайды. Ширек финалдық бәсекеде Голубев/Брацциали дуэті Мате Павич (Хорватия)/Андре Са (Бразилия) жұбын үш сетте - 6:3, 3:6, 10:7 есебімен ұтты. Енді бұл жұп жартылай финал бәсекесінде - Мартин Эммрих (Германия)/Лукаш Росол (Чехия) мен австралиялық Джеральдо және Юрген Мельцер жұптарының жеңімпазымен күш сынасады. Турнирдің жартылай финалына шыққаны үшін Голубев және Брацциали 6 мың 690 еуро қаражат және 90 рейтингтік ұпай жинады.