Юлия Путинцева Канада елінде өтіп жатқан ІТF турнирін сәтті бастады

Қазақстандық теннисші Юлия Путинцева Ванкуверде өтіп жатқан ІТF турнирінің екінші айналымына шықты. Аталмыш турнирдің жүлде қоры 100 мың АҚШ долларын құрайды. Юлия Путинцева алғашқы айналымда жарыс қожайыны Глория Лянгты екі сетте – 7:5, 6:3 есебімен жеңіп, екінші айналымға жолдама алды. Келесі айналымдағы Путинцеваның қарсыласы америкалық – Асия Мұхаммад. Ол бірінші айналымда польшалық Урсула Радваньсканы үш сетте — 6:7, 6:4, 6:3 есебімен ұтқан.