Зарина Диас екінші айналымда жапониялық Куруми Нарамен кездеседі

Вашингтонда өтіп жатқан теннистен халықаралық турнирде қазақстандық Зарина Диас алғашқы айналымда 16 жастағы америкалық Торнадо Алисия Блэкті ұтты. Жиырма жастағы Зарина бірінші партияда 2:4 есебімен ұтылып жатып, одан кейін он геймді қатарынан өз пайдасына жазды. Сөйтіп ол 6:4, 6:0 есебімен жеңіске жетті, деп хабарлайды Sports.kz. Екінші айналымда қазақстандық теннисші әлемдік рейтингте 40-шы орында тұрған 22 жастағы жапониялық Куруми Нарамен кездеседі. Куруми Нара бірінші кездесуінде әлемнің 27-ші ракеткасы, 19 жастағы америкалық Мэдисон Кизді ұтты.