Анна Данилина жұптық бәсекенің финалына шықты

Қазақстандық теннисші Анна Данилина мен швейцариялық Ксения Кнолл жұбы Швецияның Юштад қаласында өтіп жатқан ITF сериясындағы турнирдің ақтық кезеңіне өтті.

Данилина/Кнолл жұбы жартылай финалда Юсалин Бонавентур (Бельгия)/Сандра Заневска (Польша) жұбынан 6/4, 4/6, 10/6 есебімен басым түсті. Олардың финалдағы қарсыласы - Колар (Словения)/Явон Нейвирт (Австрия).

Бұған дейін Данилина/Кнолл жұбы ширек финалда Элис Балдуччи (Италия)/Ким-Элис Грайдек (Германия) жұбын 6/2, 7/6 ұтса, бірінші айналымда  Майя Орнберг (Швеция)/Мелани Стокк (Норвегия) дуэтін 6/2, 3/6, 10/4 есебімен жеңді.

Айта кетейік, Юштадта өтіп жатқан ITF турнирінің жалпы жүлде қоры – 25 мың АҚШ доллары.