Рафаэль Надаль «Ролан Гаррос» турнирін тоғыз рет жеңіп алды

Испаниялық теннисші Рафаэль Надаль Франция ашық біріншілігінің жеңімпазы атанды. Парижде өткен «Ролан Гаррос»  финалында ол серб Новак Джоковичті ұтты.

Ойын үш жарым сағата созылды. Жеңімпаздың есімін анықтау үшін төрт сет қажет болды. Есеп – 3/6, 7/5, 6/2, 6/4.

Рафаэль Надаль осымен Франция ашық біріншілігінде тоғызыншы рет жеңіске жетті. Сонымен қатар, бес жыл қатарынан (2010-2014) «Ролан Гаррос» турнирінде топ жарған алғашқы теннисші атанды. 

Ал Франция ашық біріншілігінің қыздар бәсекесінде ресейлік Мария Шарапова үздік шықты. Ол финалда румын қызы Симона Халептен басым түсті.

Фото: championat.com