Кукушкин Бемельманстан басым түсті

Астанада Дэвис Кубогы бәсекесінде Қазақстан мен Бельгия құрамалары арасындағы кездесу басталды. Кортқа бірінші болып Михаил Кукушкин мен Рубен Бемельманс шықты. Матч 6:4, 6:7, 6:2, 6:3 есебімен қазақстандық теннисшінің жеңісімен аяқталды. Қазіргі уақытта Андрей Голубев Бельгия құрамасының көшбасшысы Давид Гоффинмен ойнап жатыр. Ертең жұптық сайыста қазақстандық қос теннисші Евгений Королев пен Денис Евсеев алаңда Оливье Рохус пен Киммер Коппеянсқа қарсы ойнайтын болады. Ал қорытынды күнінде Кукушкин-Гоффин, Голубев-Бемельманс өзара мықтыны анықтайды.