Чемпиондар лигасы: Екі мадридтік клубта жартылай финалда

УЕФА Чемпиондар лигасының жартылай финалында өнер көрсететін алғашқы екі команда анықталды.

Диего Симеоне жаттықтыратын мадридтік «Атлетико» сырт алаңда Англия чемпионы  «Лестер Сити» клубымен  1:1 есебімен тең түсіп, бір апта бұрынғы өз алаңында қол жектізген жеңісінің (1:0) арқасында жартылай финалға шыққан алғашқы команда атанды.

Мадридтік «Реал» «Сантьяго Бернабеу» алаңында да  «Баварияны »  4:2 есебімен (жалпы есеп 6:3) тізе бүктіртіп, келесі кезеңде өнер көрсететін «Атлетико» қатарына қосылды. Бұл ойында Криштиану Роналду хет-трик жасап, өз командасының жеңіске жетуіне үлкен үлесін қосты.