Алматылық «Қайраттың» Спорт директоры «Реал Мадридтің» академиясына іс-сапармен барып қайтты

Алматылық «Қайраттың» Спорт директоры Евгений Калакуцкий «Реал Мадридтің» академиясына іс-сапармен барып қайтты, деп хабарлайды fckairat.com.

Сапар барысында Евгений Калакуцкий «Корольдік клуб»  академиясының басшысы Хуан Луис Мартинес Гарсиямен кездесіп, жас буынды жаттықтырудағы жаңа методологияны және ұйымдастырушылық мәселелерді талқылады. 

Соңғы жылдары испаниялық клуб балаларды жаттықтурада біршама өзгерістер енгізген болатын. Олар көбінесе арнайы жаттығуларға көңіл бөле бастады.

Қазақстаннан келген қонақтарға «Реалдың» жас жеткіншіктерінен бастап негізгі құрамға дейін жаттығатын спорт алаңдары көрсетілді.