«Олимпиакостың» қақпашысы Никола Леали: Астананың жасанды алаңы мен ауа-райы бізге қиыншылық тудыратыны анық

«Олимпиакостың» қақпашысы Никола Леали Еуропа лигасының топтық кезеңіндегі «Астанаға» қарсы матч жайлы өз пікірін айтты, деп хабарлайды prosportkz.kz.

- Әрине, Қазақстандағы ойын басқаша болады. Астананың жасанды алаңы мен ауа-райы бізге қиыншылық тудыратыны анық. Бұған қоса, «Астанадан» кейін бізді «Панатинаикосқа» қарсы маңызды кездесу күтіп тұр, - деді италиялық қақпашы Gazzetta басылымына.

Естеріңізге сала кетсек, Еуропа лигасының топтық кезеңіндегі «Астана» - «Олимпиакос» матчы 3-ші қараша күні өтеді.