Қазақстан футбол құрамасы Румынияға қарсы ойынға дайын

Қазақстан футбол құрамасының ойыншылары румыниялықтармен болатын кездесуге толығымен дайын, деп хабарлайды Қазақстан футбол федерациясының баспасөз қызметі. Бұны ойын алдындағы баспасөз мәслихатында Ұлттық құраманың бас бапкері Талғат Байсұфинов растады.

«Біз профессионалмыз, алдыңғы ойын туралы ұмытуымыз керек. Көңіл-күйіміз жақсы, барлық моменттерді ескеріп, қорытынды жасадық. Ойынға дайынбыз,»-деді Қазақстан футбол құрамасының бас бапкері.

Естеріңізге сала кетейік, кездесуді «Қазақстан» Ұлттық телеарнасы тікелей эфирде көрсетеді. Трансляцияның басталуы 21:50-де. Сондай-ақ, kaztrk.kz сайтында онлайн-көрсетілім жүргізіледі.