Футболдан Қазақстан жастар құрамасы ағылшындық құрдастарынан жеңіліп қалды

2017 жылғы Еуропа чемпионатының іріктеу турнирі аясында футболдан Қазақстан және Англия жастар құрамалары арасындағы Ақтөбеде болған кездесу 0:1 есебімен ағылшындар пайдасына аяқталды. 

Ойынның 5-інші минутында Қазақстан қақпасына голды соңғы маусымда өз командасымен Англия чемпионатында жеңіске жеткен «Лестер Ситидің» жас таланты Демарай Грей соқты. Осылайша, біздің жастар құрамамыз бес ұжымнан тұратын топта 4-ші орында болса, ағылшындар көш бастап тұр.

11 қазанда Қазақстан жастар құрамасы Ақтөбе қаласында норвегиялықтармен кездеседі.

Естеріңізге сала кетейік, кездесуді тікелей эфирде «Kazsport» телеарнасы көрсеткен болатын.