«Астана» Чемпиондар лигасымен қош айтысты, бірақ алда Еуропа лигасы

УЕФА Чемпиондар лигасы үшінші біліктілік кезеңінің қарымта кездесуінде «Астана» шотландиялық «Селтикке» 2:1 есебімен жеңіліп, жарыстан шығып қалды. Гол авторлары:Ли Гриффитс (45,`), Агим Ибраими (62') мен Мусса Дембеле (90'). Бірінші тайм толығымен «Селтик» командасының басымдылығымен өткен болатын. Тайм соңына қарай 11 метрлік айып добын орындаған Ли Гриффитс шотландиялық клубты алға шығарды (1-0, Ли Гриффитс, 45`). Үзілістен кейін «Селтик» бірден шабуылдарын үдете түсті. «Астана» футболшылары тек қорғанумен болды. Қарымта шабуылдардың бірінде қақпасынан шығып кеткен Гордонды байқаған Ибраими алыстан соққы бағыттап сол салды (1-1, Агим Ибраими, 62'). Екінші таймның соңында екінші сары қағазын алған Игорь Шитов алаңнан қуылып, «Астана» қақпасына осы ойында 2 рет 11 метрлік айып добы белгіленген еді. Айып добын орындаған Мусса Дембеле өз комнадасын алға шығарды (2-1, Мусса Дембеле, 90'). «Астана» УЕФА Чемпиондар лигасымен қош айтысқанымен де, Еуропа лигасында өнер көрсетеді. Естеріңізге сала кетейік, «Селтик» пен «Астана» арасындағы кездесуді тікелей эфирде «Қазақстан» телеарнасы көрсеткен болатын.