Хулен Лопетеги Испания футбол құрамасының бас бапкері болып тағайындалды

Хулен Лопетеги Испания футбол құрамасының бас бапкері болып тағайындалды, деп Испания футбол федерациясының ресми сайты хабарлайды. Португалиялық «Порту» командасының бұрыңғы бас бапкері Хулен Лопетеги «қызыл фурияның» басындағы Висенте Дель Боскені алмастырды. Соңғысы 2016 жылғы Еуропа чемпионатынан кейін құраманың басынан кеткен болатын. Оның қол астындағы құрама 1/8 финалда италиялықтардан 0:2 есебімен жеңіліп жарыстан шығып қалған болатын. Бұрында Лопетеги Испанияның жасөспірімдер (19 және 20 жасқа дейінгі) мен жастар (21 жасқа дейінгі) құрамаларын жаттықтырған. Клубтар деңгейінде «Райо Вальекано» мен «Реал Мадридтің» екінші командаларын басқарған. Оның соңғы жұмыс орны «Порту» футбол клубында 2014-2016 жылдары аралығында бас бапкері болды.