«Қазақстан» телеарнасы тікелей эфирде «Маккаби» - «Қайрат» кездесуін көрсетеді

Бүгін сағат 23:00-де УЕФА Еуропа лигасының екінші біліктілік кезеңі аясында «Маккаби» - «Қайрат» кездесуі өтеді. Бір апта бұрын Алматыда болған кездесу 1:1 есебімен тең аяқталған. Бұл ойынға бас төреші ретінде португалиялық маман Тьягу Мартинш тағайындалды. Оған отандастары Луиш Кампуш пен Руй Тейшейра көмек көрсетеді. Естеріңізге сала кетсек, көрермендер ойынды 22:50-де «Қазақстан» телеарнасынан тікелей эфирде тамашалай алады.