«Қайрат» және «Маккаби» арасында өткен кездесуді «Kazsport» телеарнасы қайталап көрсетеді

14 шілде күні «Kazsport» телеарнасында сағат 21.13 мен 21.57 уақыт аралығында «Қайрат» (Қазақстан) және «Маккаби» (Израиль) арасында өткен кездесуінің көрсетілімі кенеттен тоқтатылды. Бұл келеңсіз жағдай ауа-райы қолайсыздығы әсерінен уақытша спутник сигналының жоғалып кетуіне байланысты орын алды. Матч Алматы қаласындағы Орталық стадионда өтті. Телевизиялық серіктестеріміз бұл жағдайға түсіністікпен қарап, ойынның толық нұсқасын қайталап көрсетуді жоспарлап отыр. Кездесу толық көлемде «Kazsport» телеарнасы да көрсетуді жоспарлап отыр. Жанкүйерлер бұл ойынды бүгін, 15 шілдеде сағат 23.30-да, ертең, 16 шілдеде сағат 12.00-де, сондай-ақ, 21 шілдеде сағат 16.15-те және 22 шілдеде сағат 08.05-те көре алады. Құрметті жанкүйерлер мен көрермендер! «Kazsport» телеарнасы келтірілген қолайсыздықтар үшін кешірім сұрап, алдағы уақытта жемісті ынтымықтастық құруға ниет білдіреді!