Еуро-2016. Бүгін «Kazsport» телеарнасы Франция-Ирландия матчын тікелей эфирде көрсетеді

Бүгін Еуропа чемпионаты плей-офф кезеңінің төртінші ойыны Франция және Ирландия құрамаларының арасында өтеді. Бұл ойынды «Kazsport» телеарнасы сағат 18:50-де назарларыңызға ұсынады. Топтық кезеңде Франция құрамасы «А» тобында сынға түскен. 3 ойында 7 ұпай жинап, өз тобында 1 орын алған болатын. Ал, Ирландия құрамасы «Е» тобының 2-ші орын иегері. 3 ойында 4 ұпай жинаған. Екі құрама бұған дейін 17 ойын өткізген. Оның 6 матчында Франция құрамасы жеңіске жетсе, Ирландия құрамасы 5 ойында ұтқан. Ал, 6 ойын тең аяқталған. FIFA рейтингінде Франция 17-ші орында, Ирландия құрамасы 33-ші сатыда орналасқан. Айта кетейік, Франция-Ирландия ойынының қайталауын «Kazsport» телеарнасы ертең, 27 маусымда, сағат 10:40-та көрсетеді.